Фото: AFP
Нигер жанубида бир гуруҳ террорчилар франциялик сайёҳларга ҳужум қилди. Ҳужум оқибатида 8 киши ҳалок бўлган.
Le Monde француз нашри маълумотларига кўра, ҳужум ўзига бутун дунёдан сайёҳларни жалб қилувчи Куре қўриқхонасида содир этилган. Террорчилар воқеа жойидан мотоциклларда яширинган.
Ҳужум оқибатида Франциянинг 6 фуқароси ва уларга ҳамроҳлик қилган нигериялик гид ва ҳайдовчи ҳалок бўлган.
Айни вақтда воқеа жойида ҳуқуқ-тартибот идоралари ходимлари иш олиб бормоқда. Улар фожианинг барча тафсилотларини ва террорчилар шахсларини аниқлашга ҳаракат қилишмоқда.
