Трамп сайловларда Байдендан ҳам муҳимроқ рақибини айтди

АҚШ президенти Дональд Трамп ноябрь ойидаги сайловлар арафасида асосий курашни демократлар вакили Жозеф Байден билан эмас, балки ОАВ билан олиб бораётганини айтди.

Фото: AP

«Энг жиддий рақибим – Байден эмас, балки нохолис матбуотдир», - деди у Fox News нашрига берган интервьюда.

Трампнинг таъкидлашича, ҳар куни Байденни қўллаб-қувватлаётган ОАВга қарши туришига тўғри келмоқда.

«Улар ҳар куни менга «бомба» отишмоқда. Буни нохолис журналистлар қиляпти. Аммо уларга қарши туришни уддалаяпман», - деди президент.

«Байден ҳатто ертўласидан чиқмаяпти, ОАВ эса барибир у ҳақда фаол ёзяпти. У ҳатто журналистларнинг саволларига жавоб бермаяпти», - деб қўшимча қилди Трамп ва ҳар куни ўзига қарши бўлган журналистларнинг саволларига жавоб бераётганини қўшимча қилди.

Тайёрлаган: Сардор Юсупов

#ОАВ #Дональд Трамп

2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.