Tramp saylovlarda Baydendan ham muhimroq raqibini aytdi

AQSh prezidenti Donald Tramp noyabr oyidagi saylovlar arafasida asosiy kurashni demokratlar vakili Jozef Bayden bilan emas, balki OAV bilan olib borayotganini aytdi.

Foto: AP

«Eng jiddiy raqibim – Bayden emas, balki noxolis matbuotdir», - dedi u Fox News nashriga bergan intervyuda.

Trampning ta'kidlashicha, har kuni Baydenni qo‘llab-quvvatlayotgan OAVga qarshi turishiga to‘g‘ri kelmoqda.

«Ular har kuni menga «bomba» otishmoqda. Buni noxolis jurnalistlar qilyapti. Ammo ularga qarshi turishni uddalayapman», - dedi prezident.

«Bayden hatto yerto‘lasidan chiqmayapti, OAV esa baribir u haqda faol yozyapti. U hatto jurnalistlarning savollariga javob bermayapti», - deb qo‘shimcha qildi Tramp va har kuni o‘ziga qarshi bo‘lgan jurnalistlarning savollariga javob berayotganini qo‘shimcha qildi.