Лукашенко мудофаа вазирлигига НАТО қўшинлари ҳаракатини кузатишни буюрди

Беларусь президенти Александр Лукашенко хавфсизлик кенгаши йиғилишида мудофаа вазирлигига НАТОнинг Польша ва Литвадаги қўшинлари ҳаракатини кузатиш топшириғини берди. 

 "Мудофаа вазирлиги НАТОнинг Польша ва Литва ҳудудларидаги қўшинлари ҳаракатига алоҳида эътибор қаратишига тўғри келади. Биз уларнинг ҳаракат йўналиши ва мақсадини кузатишимиз лозим. Бу бизни унчалик ташвишлантирмайди, аммо айниқса, Гродно йўналиши бўйича айрим фактлар, ўйлашга мажбур қилмоқда", - дея Лукашенкодан иқтибос келтирмоқда Sputnik Беларусь.

 У "албатта чора кўриш ва уларнинг ҳаракат йўналишига қуролли кучлар ва техникани олиб чиқишдан уялмаслик керак"лигини таъкидлади.

"Беларусь билан чегарада ғилдирак ғилдиратиш, ўқув машғулоти ўтказиш бесамар иш. Улар буни тушунишлари шарт ва бирор нима содир бўлса, бунинг учун жавоб беришади", - деди Лукашенко.