Антарктидада биринчи кинотеатр фаолият юрита бошлади

Аргентинанинг Антарктидаги базаларидан бирида қитъадаги биринчи кинотеатр очилди.

Фото: Facebook / Cancillería Argentina

Халқаро тоғ кинофестивали Ushuaia SHH доирасида базадаги ходимларга Антарктида ҳақида фильм намойиш қилинган.

“Антарктидаги ягона кинотеатр Карлини базасида яна ўз эшикларини очди”, деб маълум қилган Аргентина маданият вазирлиги.

База ҳудудида аввал ҳам кинотеатр мавжуд бўлган, бироқ у 2018 йилда демонтаж қилинган.

База расман Аргентина ҳудуди ҳисоблангани сабабли, ушбу кинотеатр айни вақтда нафақат Антарктидада, балки Аргентинада ишлаётган ягона кинотеатр ҳисобланади, чунки мамлакатда коронавирус пандемияси сабабли кўнгилочар масканлар фаолияти вақтинча тақиқланган.