АҚШда коронавирусга қарши ғайриоддий вакцина яратилди

Қайд этилишича, вакцинанинг битта дозаси юқори ва қуйи нафас йўлларида кўп миқдорда антитаналар ишлаб чиқарилишига ёрдам беради.

Фото: Global Look Press/Sven Hoppe/dpa

АҚШда бир гуруҳ тадқиқотчилар коронавирусга қарши бурун орқали киритиладиган вакцина яратишди, деб ёзмоқда Cell журнали.

Вакцина бурун орқали организмга киритилганидан сўнг инфекция билан курашишни бошлайди. уни Сент-Луисдаги Вашингтон университети тиббиёт мактаби олимлари ихтиро қилди.

Нашрнинг ёзишича, вакцинанинг битта дозаси юқори ва қуйи нафас йўлларида кўп миқдорда антитаналар ишлаб чиқарилишига ёрдам беради.

Олимларнинг таъкидлашича, препарат инфекциянинг юқиш хавфини сезиларли даражада камайтиришга ёрдам беради ва пандемиянинг тарқалиш тезлигини пасайтиради.

Вакцина ҳозирча фақат сичқонларда синовдан ўтказилган.

Тайёрлаган: Дилшод Аскаров

#вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.