Паст Дарғомда маст ҳайдовчи уриб кетган ИИБ ходими вафот этди

Улар орасида туман ИИБ профилактика инспектори ҳам бўлган ва кўрсатилган тиббий муолажаларга қармасдан, ходим шифохонада вафот этган.

Воқеа жорий йилнинг 1 сентябрь куни соат 23:00 лар атрофида Паст Дарғом тумани «Олти қаҳрамон» маҳалласи ҳудудида содир бўлган. Ҳайдовчи туманнинг «Қора сув» маҳалласида яшовчи У.Т. бўлиб, у ўзига тегишли «Дамас» русумли автомашинани спиртли ичимлик таъсирида бошқарган.

Ҳайдовчи автомобиль йўлининг ўнг томон четида ўз хизмат вазифасини бажараётган профилактика катта инспектори, катта лейтенант Р.Боқиев, фуқаролар М. ва Л.ни уриб юбориб, йўл транспорт ҳодисаси содир этган. 

Оқибатда Р.Боқиев, М. ва Л. лар тан жароҳати олиб, туман марказий шифохонасига олиб борилган. Кўрсатилган тиббий муолажаларга қарамасдан, Р.Боқиев шифохонада вафот этган.