Қўшимча функционаллар
-
Тунги кўриниш
Дунёдаги энг катта рақамли камерада илк фотосурат олинди
Тасвирлар шу даражада улканки, уларни бутун ҳолатда кўриш учун юқори аниқликдаги 378 дона 4К ўлчамдаги телеэкран керак бўлади.
АҚШ энергетика вазирлигининг SLAC миллий тезлаштириш лабораторияси 3200 мегапикселли илк синов тасвирларини олишга муваффақ бўлди. Суратлар Чилида қуриладиган обсерваторияга ўрнатилиши мўлжалланган дунёдаги энг катта рақамли камерада олинди.
Тасвирлар шу даражада улканки, уларни бутун ҳолатда кўриш учун юқори аниқликдаги 378 дона 4К ўлчамдаги телеэкран керак бўлади, унинг аниқлик имконияти 25 километр узоқликдаги гольф коптогини кўриш имконини беради.
Камера обсерваторияга ўрнатилганидан сўнг ўн йил давомида осмон жанубий яримшарининг панорама суратларини олади.
Телескопнинг тасвир датчиклари қуролланмаган кўз билан кўриш мумкин бўлган жисмлардан 100 миллион марта хира жисмларни аниқлай олади. Бундай сезгирлик бир неча минг километр узоқликдаги шамни кўриш имконини беради.
Катталиги йўлтанламас автомобилга тенг бўлган камера 2021 йил ўрталарига келиб якуний синовларга тайёр бўлади.
Мавзуга оид
08:30 / 02.04.2026
Дунёда энг кўп камера ўрнатилган шаҳарлар рейтинги
09:05 / 27.03.2026
1 апрелдан ҳайдовчиларга жарима баллари камера орқали ҳам ҳисобланади
08:45 / 26.02.2026
Мирободда мактаблар олди ва маҳалла кириш-чиқишларига камералар ўрнатилмоқда
12:43 / 10.09.2025