Исроил БААда Эрон ортидан кузатиш учун разведка базаси очмоқчи

Ўзаро муносабатларни яхшилашга келишиб олган Исроил ва БАА хавфсизлик соҳасида ҳамкорликни йўлга қўйиб юборди ва қўшма разведка базасини ташкил этишга киришиб кетди. Таъкидланишича, ушбу база Исроилнинг Эрон ортидан кузатув олиб боришдаги имкониятларини кенгайтиради.

Фото: Shutterstock

Breakingdefense.com нашрининг хабар беришича, Исроил бу маълумотга изоҳ бермаётган бўлса-да, унинг вакиллари БААда бўлғуси махфий объект жойлашадиган ҳудудни кўздан кечириб чиқишган.

База Ямандан жанубда жойлашган Сокотра оролида жойлашади. Айни вақтда ушбу ҳудуд БААни қўллаб-қувватловчи яманлик ҳусийчилар томонидан назорат қилинади.

Сокотрада Исроил разведка объектларининг очилиши Тел-Авивга Адан кўрфази ва Африка шохи минтақасидаги вазиятни Эроннинг ушбу ҳудуддаги хатти-ҳаракатларига урғу берган ҳолда мониторинг қилиш имкониятларини кенгайтиради.

Бу орада Эронда БАА ва Исроил ўртасидаги муносабатлар яхшиланишига оғриқли муносабат билдирди. Хусусан, Эрон парламенти вакилларининг таъкидлашича, Теҳрон ва Тел-Авив ўртасида ҳарбий ихтилоф юз бергудек бўлса, БАА нишонга олиниши мумкин.