Имомали Раҳмон Тожикистон ҳукуматини истеъфога жўнатди

Тожикистон президенти 30 октябрда ҳукуматни истеъфога жўнатди ва унинг аъзолари зиммасига янги таркиб шакллантирилгунгача ўз вазифаларини бажариш мажбуриятини юклади.

Фото: president.tj

Тожикистон президентининг тегишли фармонида таъкидланишича, ҳукумат бош вазир, унинг ўринбосарлари, вазирлар, давлат қўмиталари раислари таркибида ҳукуматнинг янги аъзолари тайинлангунга қадар ўз вазифаларини бажаришни давом эттиради.

Аввалроқ 30 октябрда Душанбеда Раҳмоннинг инаугурацияси бўлиб ўтди ва у 5-муддатга президент лавозимини бажаришга киришди.