Қўшимча функционаллар
-
Тунги кўриниш
Хоразмда банкдан катта миқдордаги пулни ўғирлаган шахс ушланди
Жорий йилнинг 30 октябрь куни соат 10:04ларда Хоразм вилояти Урганч шаҳар Жиззах кўчасида жойлашган “Тинчлик Банк хизматлари” кичик банк биносига келган шахс банк ходимаси бўлган фуқаро Ш.К.нинг хизмат жойида ёлғизлигидан фойдаланиб, унга тан жароҳати етказган ҳолда кассада мавжуд бўлган жами 21 088 АҚШ доллари ва 19 000 850 сўм пул маблағини олиб чиқиб кетган.
Миллий гвардия Хоразм вилояти Қўриқлаш бошқармаси хабарига кўра, банк ходимаси томонидан келиб тушган ташвиш сигналига асосан, зудлик билан манзилга етиб келган Миллий гвардия Қўриқлаш хизмати ҳамда ИИБ масъул ходимлари ҳолатни тезкорлик билан ўрганиб, ўғирлик содир қилган шахсни Урганч тумани, Чакка шоликор қишлоғидан ашёвий далиллар билан ушлаб, воқеа жойига олиб келишган.
Дастлабки суриштирув натижаларига кўра, жиноятга қўл урган шахс Хоразм вилояти Қўшкўпир туманида туғилган, ҳозирда Урганч туманида истиқомат қилувчи 30 ёшли фуқаро М.Э. эканлиги аниқланди ва ҳозирда ушбу ҳолат юзасидан вилоят ИИБ ТБ томонидан суриштирув ишлари олиб борилмоқда.
