Тошкент вилоятида табиатни муҳофаза қилиш прокуратураси ташкил этилди

Тошкент вилоятида Тошкент табиатни муҳофаза қилиш прокуратураси ташкил этилди. Бу ҳақда вилоят прокурори катта ёрдамчиси Арслонбек Тошпўлатовга асосланиб, Kun.uz мухбири хабар бермоқда.

Янги ихтисослаштиртилган прокуратура 10 нафар бошқарув ходимларидан иборат бўлиб, улар Тошкент вилояти прокуратураси штат бирликларини мақбуллаштириш ҳисобига шакллантирилган.

Айни пайтда мазкур янги тузилма фаолиятини бошлаган.

Эслатиб ўтамиз, президентнинг шу йил 27 августдаги «Бўстонлиқ туманида бошқарувнинг алоҳида тартибини жорий этиш орқали туризмни жадал ривожлантириш чора-тадбирлари тўғрисида»ги фармонида, Бош прокуратура тизимида табиатни муҳофаза қилишга оид қонунчилик ижроси устидан назорат ҳамда ерлардан ноқонуний фойдаланишни бартараф этиш бўйича ихтисослаштирилган прокуратура ташкил этилиши кўрсатилган эди.

#прокуратура #Тошкент вилояти #табиат