Берлинда минглаб кишилар карантин чекловларига қарши намойишга чиқди

Германияда 2 ноябрдан буён карантин режими амал қилмоқда.

Фото: ТАСС

Берлин марказида минглаб кишилар коронавирус чекловларига нисбатан норозилик билдириб намойишга чиқди.

Хабар қилинишича, намойишчилар сони 4 мингдан ортиқ бўлиб, кўчаларда 2,2 минг нафар полиция ходими навбатчилик қилмоқда.

Намойишлар Бундестагда юқумли касалликлардан ҳимоя қилиш тўғрисидаги қонунга тузатишлар киритиш бўйича овоз бериш кунида ўтказилмоқда.

Германияда 2 ноябрдан буён карантин режими амал қилмоқда. Ресторан, бар ва бошқа овқатланиш муассасалари камида бир ойга ёпилган.

Фитнес-клублар, тату-салонлар, бассейн, косметика ва массаж студиялари, театр, кинотеатр ва концерт заллари ишлашдан тўхтаган.

Баҳорда жорий этилган карантин режимидан фарқли равишда, болалар боғчалари ва мактаблар, сартарошхона ҳамда дўконлар ишламоқда.

Тайёрлаган Дилшод Аскаров

#Германия #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.