Нидерландияда карантин чоралари юмшатилади

Жамоат марказлари, кутубхоналар, театр, кинотеатр, музей, бассейнлар, кўнгилочар парклар ишлашига рухсат берилмоқда.

Фото: EPA

Нидерландия ҳукумати коронавирус эпидемиясига қарши курашиш доирасида киритилган карантин чораларини қисман юмшатишга қарор қилди. Бу ҳақда NL Times нашри ёзмоқда.

"Рақамлар ҳали ҳам жуда юқори, аммо пасайиш бўлаётгани яхши. Декабр ўрталарида эҳтиёткорлик билан оралиқ қадамни қўйишга умид қилмоқдамиз", - деди мамлакат бош вазири Марк Рютте.

Карантин чоралари 17 ноябрдан бошлаб юмшатилади.

Хусусан, жамоат марказлари, кутубхоналар, театр, кинотеатр, музей, бассейнлар, кўнгилочар парклар ишлашига рухсат берилади.

Ресторан ва қаҳвахоналар ҳозирча очилмайди. Оммавий тадбирлар ўтказишга ҳам рухсат берилмайди.

Чекловлар 8 декабрда яна бир бор кўриб чиқилади.

Нидерландияда октябр охири билан солиштирганда, касалланиш ҳолатлари аниқланиши камайиб бормоқда. Ўшанда кунига 10-11 минг ҳолат қайд этилган бўлса, охирги ҳафтада 5-6 мингга яқин бемор аниқланди.

Тайёрлаган Дилшод Аскаров

#Нидерландия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.