Сингапурда икки ҳафтадан буён коронавирус юқтириш ҳолатлари қайд этилмади

Фото: Reuters

Сингапурда 15 кундан буён маҳаллий аҳоли орасида коронавирус юқтириш билан боғлиқ ҳолатлар қайд этилмади. Бу ҳақда Straits Times газетаси хабар бермоқда.

Бу пандемия бошланганидан бери сингапурликлар орасида касалликка чалиниш ҳолатлари қайд этилмаган энг узоқ давр ҳисобланади.

Шу билан бирга, чоршанба куни Сингапурга бошқа мамлакатлардан келганлар орасида еттита янги ҳолат аниқланган.

Сингапурда пандемия бошланганидан буён 58 мингдан ортиқ киши коронавирус юқтирган, 28 киши вафот этган, шифохоналарда 37 киши даволанмоқда.

Тайёрлаган Дилшод Аскаров

#Сингапур #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.