Эстонияда барча таълим муассасалари ёпилади

Барча ўқувчилар масофадан таълим олишга ўтади. Болалар боғчалари эса одатдаги тартибда ишлайди.

Эстония ҳукумати коронавирус тарқалишининг олдини олиш учун келаётган ҳафтадан янги чеклов чоралари киритади. Бу ҳақда rus.postimees сайти хабар берди.

Қайд этилишича, 14 декабрдан барча таълим муассасалари: мактаблар, касб-ҳунар билим юртлари ҳамда университетлар ёпилади.

Барча ўқувчилар масофадан таълим олишга ўтади. Болалар боғчалари эса одатдаги тартибда ишлайди.

Шунингдек, 14 декабрдан фан ва спорт тўгараклари фаолияти уч ҳафтага тўхтатилади. Чекловлар профессионал спортчиларга нисбатан татбиқ этилмайди.

Ҳукумат фаолияти тўхташи натижасида энг кўп зарар кўрадиган соҳаларга пул компенсацияси беришнинг қўшимча механизмларини ишлаб чиқмоқда.

Бу кейинги кунларда жорий этилаётган иккинчи чекловдир. Аввалроқ 5 декабр куни янги чекловлар киритилганди.

Тайёрлаган Дилшод Аскаров

#Эстония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.