Никол Пашинян истеъфога кетишга тайёрлигини маълум қилди
Арманистон бош вазири Никол Пашинян халқ унинг истеъфосини истаса, бунга тайёрлигини маълум қилди. У Facebook’даги саҳифасида бунинг учун навбатдан ташқари парламент сайловлари ўтказиш зарурлигини ёзди.
“Мен халқ қарор қилса, бош вазир лавозимидан кетишга тайёрман. Мен бу лавозимдан фақат халқ қарори билангина кета оламан”, деб ёзган Пашинян.
У “халқ яна ишонч билдирса, ҳозирги мураккаб вақтда Арманистонга раҳбарлик қилишни давом эттиришга тайёрлигини” айтган.
“Бу саволларга жавоб олишнинг бир йўли бор – навбатдан ташқари парламент сайловлари ўтказиш”, деб қўшимча қилган Пашинян.
Арманистон бош вазири сайловларни 2021 йилда ўтказишни таклиф қилган.
22 декабрда Ереванда ҳукуматга қарши норозилик акциялари яна бошлангани маълум қилинганди. Мухолифат умуммиллий иш ташлаш эълон қилган. Шунингдек, Пашинянга қарши чиқаётганлар ҳукумат биноларини тўсиб қўйишган ва Республика майдонида чодирлар ўрнатишган.
Мавзуга оид
20:10 / 02.10.2024
Ўзбекистонлик хоккейчилар илк маротаба жаҳон чемпионатида иштирок этади
20:16 / 27.09.2024
Арманистон Боку билан тинчликка эришиш учун Конституциясини ўзгартиришга тайёр
20:33 / 18.09.2024
Арманистонда давлат тўнтаришига уринишнинг олди олинди
00:12 / 13.09.2024