Nikol Pashinyan iste'foga ketishga tayyorligini ma'lum qildi
Armaniston bosh vaziri Nikol Pashinyan xalq uning iste'fosini istasa, bunga tayyorligini ma'lum qildi. U Facebook’dagi sahifasida buning uchun navbatdan tashqari parlament saylovlari o‘tkazish zarurligini yozdi.
“Men xalq qaror qilsa, bosh vazir lavozimidan ketishga tayyorman. Men bu lavozimdan faqat xalq qarori bilangina keta olaman”, deb yozgan Pashinyan.
U “xalq yana ishonch bildirsa, hozirgi murakkab vaqtda Armanistonga rahbarlik qilishni davom ettirishga tayyorligini” aytgan.
“Bu savollarga javob olishning bir yo‘li bor – navbatdan tashqari parlament saylovlari o‘tkazish”, deb qo‘shimcha qilgan Pashinyan.
Armaniston bosh vaziri saylovlarni 2021 yilda o‘tkazishni taklif qilgan.
22 dekabrda Yerevanda hukumatga qarshi norozilik aksiyalari yana boshlangani ma'lum qilingandi. Muxolifat umummilliy ish tashlash e'lon qilgan. Shuningdek, Pashinyanga qarshi chiqayotganlar hukumat binolarini to‘sib qo‘yishgan va Respublika maydonida chodirlar o‘rnatishgan.
Mavzuga oid
20:10 / 02.10.2024
O‘zbekistonlik xokkeychilar ilk marotaba jahon chempionatida ishtirok etadi
20:16 / 27.09.2024
Armaniston Boku bilan tinchlikka erishish uchun Konstitutsiyasini o‘zgartirishga tayyor
20:33 / 18.09.2024
Armanistonda davlat to‘ntarishiga urinishning oldi olindi
00:12 / 13.09.2024