Япония январ охиригача ёпилмоқда

Буюк Британияда аниқланган коронавируснинг янги штамми Японияда ҳам топилган. Бу ҳақда мамлакат соғлиқни сақлаш вазири Норихиса Тамура маълум қилди.

Фото: Kyodo

Япония дунёнинг барча давлатлари ва ҳудудларидан мамлакатга киришга вақтинчалик тақиқ қўйди. Фақат японияликлар ва Япония ҳудудида яшаш рухсатномасини олган хорижликлар учун истисно қилинади.

Kyodo агентлиги хабарига кўра, ушбу чора 2020 йил 28 декабрдан 2021 йилнинг январи охиригача амал қилади.

Коронавируснинг янги тури Япониянинг беш нафар фуқаросида аниқланган. Уларнинг барчаси мамлакатга Буюк Британиядан келган.

Декабр ўрталарида Англия шарқида коронавируснинг янги тури тарқалаётгани хабар қилинганди. У аввалгисига нисбатан 70 фоизга юқумлироқ ҳисобланади.

Тайёрлаган Дилшод Аскаров

#Япония #чегара

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.