Қўшимча функционаллар
-
Тунги кўриниш
Буюк Британияда AstraZeneca вакцинаси билан эмлаш бошланди
Мамлакат ҳукумати декабр бошларида дунёда биринчи бўлиб Pfizer ва BioNTech компаниялари биргаликда ишлаб чиқарган вакцинани маъқуллаганди.
Буюк Британияда бир нечта шифохонада AstraZeneca компанияси ишлаб чиққан вакцина билан эмлаш бошланди. Бу ҳақда Sky News хабар берди.
Вакцина билан дунёда биринчи бўлиб Черчиллдаги шифохонада даволанаётган 82 ёшли Брайан Пинкер эмланди.
Қайд этилишича, дастлаб Оксфорд, Сассекс, Ланкашир, Уорикшир ҳамда Лондонда жойлашган жами олтита шифохона 53 минг доза вакцина олади. Сўнгра вакцина 700дан ортиқ вакцинация пунктларига етказилади.
Буюк Британия миллий соғлиқни сақлаш хизматининг билдиришича, минглаб шифокорлар коронавирусга қарши эмлаш бўйича онлайн-машғулотларни ўташган.
Мамлакат ҳукумати декабр бошларида дунёда биринчи бўлиб Pfizer ва BioNTech компаниялари биргаликда ишлаб чиқарган вакцинани маъқуллаганди.
30 декабр куни эса Буюк Британия дори воситаларини назорат қилиш агентлиги (MHRA) AstraZeneca Англия-Швеция фармацевтика компаниясининг коронавирусга қарши вакцинасидан фойдаланишни маъқуллади.
Коронавирус
Мавзуга оид
08:50
SIPRI: дунёда ядровий қуроллар сони яна ўсиши мумкин
08:44
Европа етакчилари ва Зеленский тинчликнинг беш шартини эълон қилди
16:53 / 04.06.2026
Буюк Британияда 18 ёшли талаба ўлими туфайли намойиш ва тартибсизликлар рўй берди
08:44 / 02.06.2026