80 ёшли демократ Нэнси Пелоси АҚШ конгресси вакиллар палатаси спикери лавозимига қайта сайланди. Пелоси ушбу лавозимни 2007-2011 йилларда ва 2019 йилдан бери эгаллаб келган.
Ушбу лавозимга иккинчи номзод 55 ёшли республикачи Кевин Маккарти бўлган. Пелосини 216 депутат, Маккартини эса 209 депутат қўллаб-қувватлаган. Баъзи демократлар Пелоси вакиллар палатасига бунчалик узоқ вақт раҳбарлик қилаётганидан норозилик билдиришган.
Аввалроқ Пелоси спикер лавозимига охирги муддатга номзодини илгари сураётганини айтган. У конгрессга илк бор 1987 йилда кирган. 2003 йилдан эса вакиллар палатасида демократлар етакчиси ҳисобланади.
2020 йилги сайловларда Демократик партия вакиллар палатасидаги баъзи ўринларни йўқотган, бироқ ўз ортидан кўпчиликни сақлаб қолган.