Фото: KUN.UZ
Тахтиқорача довонида автотранспорт воситаларининг ҳаракати вақтинча тўхтатилди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар қилмоқда.
ИИВ ЙҲХББ томонидан маълум қилинишича, бунга кўп миқдорда қор ёғгани сабабдир.
“Самарқанд ва Қашқадарё вилоятларини боғловчи Тахтиқорача довонида кўп миқдорда қор ёғганлиги боис довон орқали транспорт воситаларининг ҳаракати вақтинча тўхтатилди”, - дейилади хабарда.
Аввалроқ, ИИВ Қамчиқ довонидаги вазият бўйича ҳайдовчиларни огоҳлантирганди. Унда Қамчиқ довонида қор ёғиб, ҳаво ҳарорати 16 даража совуқ экани айтилган.
