Қурилиш-пудрат ташкилотларининг рейтинги ишлаб чиқилди. Бу ҳақда Қурилиш вазирлиги хабар бермоқда.
Қайд этилишича, қурилиш ташкилотларининг рейтинги билан reyting.mc.uz сайти орқали танишиш мумкин.
СТИР бўйича (9та рақам) қурилиш ташкилотларининг рейтингини билиб олиш мумкин. Рейтингдан жами 36 мингдан ортиқ ташкилот жой олган.
Қурилиш-пудрат ташкилотлари рейтингида уларнинг салоҳияти 71та кўрсаткични қамраб олган 6та гуруҳдан иборат мезонлар билан ўлчанади.
Салоҳиятни аниқлашда эса ташкилотнинг малакали мутахассислари, молиявий кўрсаткичлари, бажарган ишларининг сифати, иш тажрибаси, техник базаси, рақобатдошлиги каби қурилишда юқори сифатни таъминловчи мезонлар муҳим аҳамиятга эга.
