Президент қарори билан Алишер Навоий номидаги халқаро жамоат фонди ташкил этилди.
Адлия вазирлиги хабарига кўра, мазкур фонд:
Алишер Навоий ҳаёти, юксак инсонпарварлик ғоялари ва илмий-адабий меросини республикада ва халқаро миқёсда кенг ўрганади ҳамда тарғиб қилади;
Алишер Навоий асарларини хорижий тилларга таржима қилиб, мукаммал илмий нашрлар яратади ҳамда уларни республикада ва чет элларда нашр этади;
Алишер Навоийнинг илмий-адабий меросини тадқиқ этаётган адиб ва олимлар фаолиятига кўмаклашади.
Қарор билан шунингдек, фонд Васийлик кенгаши таркиби ҳамда фонд тузилмаси маъқулланди.