Президент Администрацияси раҳбарининг қарорига асосан, Абдуҳалим Холмаҳматов Президент Халқ қабулхонасининг Тошкент вилояти бошқармаси раҳбари этиб тайинланди. Бу ҳақда Бош прокуратура матбуот хизмати хабар қилди.
Холмаҳматов бир йилдан буён бош прокурорнинг биринчи ўринбосари лавозимида ишлаб келаётганди. Кеча, 12 февраль куни унинг ўрнига Тошкент шаҳар прокурори лавозимида ишлаб келган Баҳриддин Валиев тайинланди.
Халқ қабулхоналари тизими Абдуҳалим Холмаҳматов учун бегона эмас: 3-даражали давлат адлия маслаҳатчиси Бош прокуратурага ишга ўтишидан олдин Президентнинг Қашқадарё вилояти Халқ қабулхонаси мудири лавозимида ишлаган.
