24 февралда Ўзбекистонга яна қиш қайтиб келади 

24 февралда Ўзбекистонга яна қиш қайтиб келади, деб хабар бермоқда «Ўзгидромет».

Республика бўйича баъзи жойларда ёғингарчилик (ёмғир, қор) бўлади. Шамол тезлиги 17-22 м/с гача, баъзида эса 25-28 м/с гача кучайиши мумкин. Ҳаво ҳарорати 2-7 даража илиқ бўлади.

Шимолий ҳудудларда ёғингарчилик кутилмайди. Баъзи жойларга туман тушиши мумкин. Ҳаво ҳарорати 10-15 даража совуққача пасаяди.

Пойтахтда вақти-вақти билан ёғингарчилик (ёмғир қорга айланади) бўлади. Шамол 12-17 м/с гача кучайиши мумкин. Ҳаво ҳарорати 3-5 даража илиққача пасаяди.

Тоғолди ва тоғли ҳудудларда қор ёғади, баъзи жойларда кучли бўлиши мумкин. Қор кўчиши хавфи бор. Туман тушиши мумкин. Шамол тезлиги 17-22 м/с гача, баъзида эса 25-28 м/с гача кучайиши мумкин. Ҳаво ҳарорати 0-5 даража совуққача пасаяди.