Аввалроқ АҚШ президенти АВС телеканалига интервью берар экан, «Путинни қотил деб ўйлайсизми?» деган саволга «Ҳа» деб жавоб берганди.
Дмитрий Песков / Фото: Picture Alliance
Россия президентининг матбуот котиби Дмитрий Песков АҚШ президенти Жо Байденнинг Владимир Путин ҳақидаги сўзларини «жуда ёмон» деб атади.
«Бу борада кўп гапиришни истамаган бўлардим. Фақат айтишим мумкинки, АҚШ президентининг бу сўзлари жуда ёмон. У биз билан муносабат ўрнатишни истамаяпти ва келгусида айнан мана шундан келиб чиқиб иш кўрамиз»,— деди Песков.
Владимир Путин АҚШ президентининг сўзларига жавоб қайтариши мумкинлиги тўғрисидаги саволга эса Кремль вакили «Аниқ айтолмайман» деб жавоб берди.
Аввалроқ Жо Байден АВС телеканалига интервью берар экан, «Путинни қотил деб ўйлайсизми?» деган саволга «Ҳа» деб жавоб берганди.
Жо Байден Владимир Путин АҚШдаги президентлик сайловларига аралашгани учун жавоб беришини қўшимча қилган.
