Макрон Туркия Франциядаги сайловга аралашиши мумкинлиги ҳақида гапирди

Франция президенти Эммануэль Макрон Туркия 2022 йилда бўлиб ўтадиган президентлик сайловларига таъсир кўрсатишга уриниб кўришини айтди. «Навбатдаги сайловларга аралашишга уриниш бўлиши равшан. Таҳдидлар ошкора, шунинг учун бунга расо ақл билан ёндашишимиз керак», деди Макрон France 5 телеканалининг Туркия президенти Ражаб Тоййиб Эрдўған ҳақидаги ҳужжатли фильмига берган интервьюсида.

Шу билан бирга, Макрон Туркия билан мулоқотни зарур деб ҳисоблайди. «Биз Туркия Европадан юз ўгирмаслиги ва экстремизмга ён босмалиги ҳамда негатив геосиёсий танлов қилмаслиги учун қўлимиздан келганини қилишимиз даркор. Туркия хавфсизлик ва миграция масаласи бўйича бизнинг ҳамкордир», дея қўшимча қилади у.

Икки давлат ўртасида муносабатлар ўтган йили Пайғамбар Муҳаммад (а.с.)нинг карикатурасини сўз эркинлиги муҳокамасида кўрсатгани учун пичоқланган тарих ўқитувчиси Самуэль Патининг ўлимидан сўнг кескинлашган эди.

Макроннинг Франция карикатураларни нашр қилишдан воз кечмаслиги ҳақидаги баёнотидан кейин Туркия президенти франциялик ҳамкасби ҳақида «у руҳан соғломми йўқми, текшириб кўриш керак», деган эди.

Шундан кейин Франциянинг Туркиядаги элчиси Елисейда маслаҳатлашиш учун чақириб олинган ва Елисейда Эрдўғаннинг сўзларини «тоқат қилиб бўлмас» гаплар деб айтишган эди.