Тошкент шаҳрининг Миробод тумани Амир Темур кўчасидан ўтувчи иссиқлик тармоғида авария ҳолати юзага келди.
Пойтахт ҳокимлиги хабарига кўра, шу сабабли айни вақтда тезкор таъмирлаш ишлари олиб борилмоқда.
Қайд этилишича, қуйидаги манзилларда иссиқлик таъминоти ва иссиқ сув вақтинча тўхтатилди:
- Амир Темур кўчаси;
- Содиқ Азимов кўчаси;
- Махтумқули кўчаси;
- Ғуломов кўчаси;
- Шаҳрисабз кўчаси;
- Марказ-1 мавзеси;
- Марказ-2 мавзеси;
- Марказ-4 мавзеси.
Таъмирлаш ишлари якунига етказилгач, иссиқлик ва иссиқ сув таъминоти қайта тикланади.
