Кремль Россия қўшинлари Украина билан чегарага келтирилганига изоҳ берди
Песковнинг сўзларига кўра, Россия ўз чегаралари хавфсизлигини таъминлаш учун зарур чораларни кўрмоқда.
Россия мамлакат ҳудуди ичида қўшинларини кўчиришга ҳақли, бу бошқа мамлакатларга нисбатан таҳдид уйғотмайди, деди Россия президентининг матбуот котиби Дмитрий Песков.
У украиналик журналистнинг Россия қўшинлари Украина билан чегарага келтирилиши нима билан боғлиқ экани тўғрисидаги саволига ана шундай жавоб қайтарди.
«Россия Федерацияси қўшинларини ўз ҳудуди ичида кўчиради, бу ҳеч кимни безовта қилмаслиги керак, бу ҳеч кимда ҳеч қандай таҳдид уйғотмайди», – деб таъкидлади Песков.
Унинг сўзларига кўра, Россия ўз чегаралари хавфсизлигини таъминлаш учун зарур чораларни кўрмоқда.
«Россия чегаралари атрофида НАТО, бошқа бирлашмалар, айрим мамлакатлар ва бошқаларнинг қуролли кучлари фаоллиги кузатилаётганини биласиз. Буларнинг барчаси ҳушёр туришни талаб қилади», – деди у.
Мавзуга оид
15:30
Чехия бош вазири: Украина учун снарядлар сотиб олиш режага мувофиқ кетяпти
11:40
Украина президенти энергообъектларга ҳужумлар ўзаро тўхташини деэскалация сари қадам деб атади
11:00
Украина ТИВ раҳбари Ангола, Миср, Уммон ва ЖАРга ташриф буюради
09:50