Самарқандда ўқитувчи ўқувчининг қўлига баҳо қўйди
Самарқандда дарсда жавоб бера олмаган ўқувчининг қўлига 2 баҳосини қўйган ўқитувчи огоҳлантирилган ва унга педагогик-психологик ёрдам бериш учун устоз бириктирилган. Бу ҳақда вилоят халқ таълими бошқармаси матбуот хизмати хабар бермоқда.
Маълум бўлишича, Самарқанд шаҳридаги 65-мактабнинг инглиз тили фани ўқитувчиси ўқувчининг қўлига 2 баҳо қўйганлиги акс этган видео ижтимоий тармоқларда тарқалган. Ҳолат вилоят халқ таълими бошқармаси ва шаҳар халқ таълими бўлими масъул ходимлари томонидан ўқувчининг онаси иштирокида ўрганилган.
Суриштирув давомида, 65-мактабнинг инглиз тили ўқитувчиси Қ.Д. 2-синф ўқувчиларига дарс ўтиш чоғида берилган вазифага ижобий жавоб бера олмаган ўқувчи Н.A.нинг қўлига 2 баҳо қўйгани тасдиқланган.
Мазкур ҳолатни ўрганиш чоғида бир йилдан буён ушбу мактабда ўқувчиларга инглиз тили фанидан дарс бераётган ўқитувчи Қ.Д. га ўқувчига нисбатан бу хатти-ҳаракати педагогик-психологик жиҳатдан нотўғри эканлиги тушунтирилган. Унинг етарлича тажриба тўпламаганлиги, педагогик фаолиятини бошлаганига кўп бўлмаганлиги инобатга олиниб, огоҳлантириш берилган. Ёш ўқитувчига методик, педагогик-психологик ёрдам бериш учун малакали устозлар бириктирилган.
Мавзуга оид
11:26 / 10.10.2024
Самарқандда содир бўлган ЙТҲда Lacetti ҳайдовчиси ҳалок бўлди
14:27 / 09.10.2024
Самарқанддаги ЙТҲда пиёда ҳалок бўлди
12:21 / 07.10.2024
Самарқандда содир бўлган ЙТҲда ҳайдовчи ҳалок бўлди
14:57 / 06.10.2024