Ангела Меркель AstraZeneca вакцинаси билан эмланди
Германия канцлери Ангела Меркель AstraZeneca компаниясининг коронавирусга қарши вакцинаси биринчи дозаси билан эмланди.
66 ёшли Меркель бир ой аввал ушбу вакцина билан эмланишга тайёрлигини, бироқ ўз навбати келишини кутишини айтганди. Ҳозирда Германияда AstraZeneca вакцинаси билан 60 ёшдан катталаргина эмланмоқда.
«Бугун AstraZeneca вакцинасининг биринчи дозаси билан эмланганимдан хурсандман. Эмлаш кампаниясида иштирок этаётганларга ва барча эмланаётганларга миннатдорлик билдирмоқчиман. Эмлаш – пандемияни енгиш калитидир», деб айтган Германия етакчиси.
Аввалроқ AstraZeneca вакцинаси эмланганларда тромбоз ҳосил қилиши мумкинлиги сабабли бир қатор давлатларда, жумладан, Германияда қўлланиши тўхтатилганди. Бироқ Европа дори воситалари агентлиги вакцина ва тромбоз ҳосил бўлиши орасида боғлиқлик йўқлиги ҳақидаги қарорга келгандан кейин Германияда у билан эмлаш давом эттирилган. 1 апрелда Германия президенти Валтер Штайнмайер ҳам AstraZeneca вакцинаси билан эмланган.
Мавзуга оид
21:15 / 13.09.2024
ЖССТ маймунчечакка қарши биринчи вакцинани тасдиқлади
00:00 / 06.09.2024
Конго mpox’га қарши вакцинанинг биринчи партиясини қабул қилиб олди
00:11 / 24.08.2024
Буюк Британияда ўпка саратонига қарши вакцинанинг клиник синовлари бошланди
20:41 / 08.05.2024