Украина хавфсизлик хизмати юқори даражадаги шайлик режимига ўтди

Аввалроқ Украина хавфсизлик хизмати мамлакатнинг аксарият областларида кенг миқёсдаги кўп босқичли антитеррор машғулотларини бошлаганди.

Украина хавфсизлик хизмати кенг миқёсдаги антитеррор машғулотлари ўтказилиши сабабли юқори даражадаги шайлик режимига ўтди. Бу ҳақда РБК-Украина хабар берди.

"УХХнинг нафақат чегарадаги, балки барча областлардаги ходимлари юқори даражадаги шайлик режимига ўтказилди. Контрразведка ва тезкор қидирув фаолияти кучайтирилди", - деб маълум қилди махсус хизмат спикери Артём Дехтяренко.

Аввалроқ Украина хавфсизлик хизмати мамлакатнинг аксарият областларида кенг миқёсдаги кўп босқичли антитеррор машғулотларини бошлагани хабар қилинганди.

Машғулотларда УХХ, миллий полиция, давлат чегара хизмати, миллий гвардия, қуролли кучлар, фавқулодда вазиятлар хизмати минтақавий бўлинмалари ҳамда ижроия ҳокимияти ва маҳаллий бошқарув органлари вакиллари иштирок этади.

Тайёрлаган Дилшод Аскаров

#Украина #хавфсизлик хизмати

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.