16:11 / 19.04.2021
8934
Деярли бутун Украина бўйлаб антитеррор машғулотлари бошланди

Машғулотларда УХХ, полиция, чегара хизмати, миллий гвардия, қуролли кучлар, фавқулодда вазиятлар хизмати минтақавий бўлинмалари ҳамда ижроия ҳокимияти ва маҳаллий бошқарув органлари вакиллари иштирок этади. 

Украина хавфсизлик хизмати мамлакатнинг аксарият областларида кенг миқёсдаги кўп босқичли антитеррор машғулотларини бошлади. Бу ҳақда УХХ матбуот хизмати хабар берди.

Хабарда айтилишича, машғулотлар давомида стратегик муҳим объектлар ва давлат чегарасини ҳимоя қилиш бўйича ҳаракатларга алоҳида эътибор қаратилади. 

Машғулотларда УХХ, миллий полиция, давлат чегара хизмати, миллий гвардия, қуролли кучлар, фавқулодда вазиятлар хизмати минтақавий бўлинмалари ҳамда ижроия ҳокимияти ва маҳаллий бошқарув органлари вакиллари иштирок этади. 

УХХ ўтган ҳафтада Харьков, Херсон ва Суми областларида ўқув машғулотлари бошлаганди.

Аввалроқ АҚШ ва Европа давлатлари Россия қўшинларининг Қрим ва Украина чегарасида жойлашишидан хавотир билдирганди.

Мавзу
Украина можароси
2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.
Барчаси
Top