Маттео Мекаччи /Фото: Reuters
Ташқи ишлар вазирлиги ЕХҲТ ДИИҲБ делегациясининг Ўзбекистонга бўлажак ташрифи тўғрисида маълумот берди.
2021 йилнинг 27 апрел – 1 май кунлари ЕХҲТнинг Демократик институтлар ва инсон ҳуқуқлари бўйича бюроси (ДИИҲБ) директори Маттео Мекаччи бошчилигидаги делегация Ўзбекистонга ташриф буюради.
Ташриф дастуридан Олий Мажлис Сенати ва Қонунчилик палатаси, Марказий сайлов комиссияси, Олий суд, Ташқи ишлар вазирлиги, Инсон ҳуқуқлари бўйича миллий марказ ва бошқа вазирлик ҳамда идораларда учрашувлар ўтказиш ўрин олгани айтилади.
Бундан олдин, ЕХҲТнинг Ўзбекистондаги лойиҳалари координатори ўзгараётгани хабар қилинганди.
