Навоий вилояти ҳокимига янги ўринбосар тайинланди

Саъдулла Мирзаев Навоий вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари - Туризм ва спорт бош бошқармаси бошлиғи лавозимига тайинланди.

Вилоят ҳокимлиги хабарига кўра, Саъдулла Мирзаев шу давргача Навоий вилояти Статистика бошқармаси бошлиғи лавозимида ишлаб келган. Ўзбекистон Банк-молия академиясининг магистри. 

У иш фаолиятини Нурота туманидаги 20-умумий ўрта таълим мактаби  ўқитувчиси сифатида бошлаган. Маълумоти бўйича мутахассислиги - иқтисодчи, молиячи.

Бундан олдин, Қашқадарё вилояти ҳокимига янги биринчи ўринбосар тайинланганди.

Шунингдек, Сурхондарё вилояти ҳокимига тайинланган янги ўринбосар ҳақида хабар берилди.