Тошкент шаҳар ИИББ бошлиғига янги ўринбосар тайинланди. Бу ҳақда пойтахт Ички ишлар бош бошқармаси хабар берди.
Маълум қилинишича, полковник Равшан Султонхўжаев Тошкент шаҳар ИИББ бошлиғи ўринбосари - Ҳуқуқбузарликлар профилактикаси бошқармаси бошлиғи сифатида иш бошлади.
Муқаддам полковник Р.Султонхўжаев Тошкент шаҳар ИИББ Ташкилий бошқарма бошлиғи лавозимида ишлаган.
Шунингдек, у Ички ишлар вазирлиги Тезкор-қидирув ҳамкорлиги бошқармаси бошлиғининг ўринбосари лавозимида хизмат қилган.
