Қўшимча функционаллар
-
Тунги кўриниш
Ангренда ИИБ терговчиси пора билан ушланди
У фуқарога нисбатан жиноят иши қўзғатмаслик эвазига 10 минг доллар талаб қилган. Шундан 5 минг долларини олаётганда тезкор тадбирда қўлга олинган.
Фото: Видеодан кадр
Тошкент вилояти Ангрен шаҳрида ИИБ терговчиси тезкор тадбирда пора билан ушланди. Бу ҳақда Давлат хавфсизлик хизмати хабар берди.
Маълум қилинишича, Ангрен шаҳар Ички ишлар бошқармаси ҳузуридаги тергов бўлими катта терговчиси ўз иш юритувида бўлган терговга қадар текширув иши доирасида фуқарога нисбатан жиноят иши қўзғатмаслик ва тегишли тартибда чора кўрмаслик эвазига 10 минг доллар талаб қилган.
У сўралган пулдан 5 минг долларини олган вақтида Давлат хавфсизлик хизмати, Бош прокуратура ҳузуридаги департамент ҳамда ИИВ Шахсий хавфсизлик бош бошқармаси ходимлари ҳамкорлигида ўтказилган тезкор тадбирда ашёвий далиллар билан ушланган.
Ҳолат юзасидан терговчига нисбатан Жиноят кодексининг 210-моддаси 2-қисми “б” банди билан жиноят иши қўзғатилган. Унга қамоқ эҳтиёт чораси қўлланган.
Олдинроқ Наманган шаҳар ҳокими 60 минг доллар пора олганликда айбланиб, қамоққа олинганди.
Мавзуга оид
08:22
Фарғона ва Наманганда ер учун пора олган ҳоким ёрдамчилари ушланди
08:03 / 01.12.2025
2 минг доллар талаб қилган ҳоким ёрдамчиси ушланди
09:33 / 26.11.2025
Яшнобод тумани ҳокимлиги бош юристконсулти 4 минг доллар билан ушланди
08:36 / 19.11.2025