2022 йил Лувр музейида Ўзбекистон кўргазмаси бўлиб ўтади

Бугун, 10 май куни Ўзбекистон ташқи ишлар вазири Абдулазиз Комилов Франция Республикасининг Европа ва ташқи ишлар вазирлиги ҳузуридаги ташқи савдо ва иқтисодий жозибадорлик бўйича вакил-вазири Франк Риестер бошчилигидаги делегацияни қабул қилди.

Вазирлик матбуот хизматининг Kun.uz'га маълум қилишича, учрашувда бўлажак қўшма тадбирларга тайёргарлик кўриш билан боғлиқ масалаларга эътибор қаратилган.

Шунингдек, Франция томони 2022 йил кузида Париждаги Лувр музейида «Марказий Осиё улуғворлиги. Ўзбекистон карвон йўлларида» номли кўргазмани ташкиллаштиришда Ўзбекистонни ҳар томонлама қўллаб-қувватлашга тайёрлигини билдирди.