Гебрейесус бир неча кун аввал бой мамлакатларни болаларни коронавирусга қарши эмламасликка, биринчи навбатда вакцинани камбағал мамлакатлар билан бўлишишга чақирганди.
Жаҳон соғлиқни сақлаш ташкилоти (ЖССТ) бош директори Тедрос Аданом Гебрейесус коронавирусга қарши вакцина етарлича тақсимланмаганлигини таъкидлади ва «дунё вакцинавий апартеид босқичига ўтгани»ни айтди, деб хабар бермоқда BBC.
«Юқори даромадли мамлакатлар дунё аҳолисининг 15 фоизини ташкил қилади, аммо дунёдаги вакциналарнинг 45 фоизига эга. Кам ва ўрта даромадли мамлакатлар эса дунё аҳолисининг қарийб ярмини ташкил этади, аммо уларга вакциналарнинг атиги 17 фоизи тўғри келади», - деди ЖССТ раҳбари Париж тинчлик форуми ташкил этган онлайн-мунозарада.
Гебрейесус бир неча кун аввал бой мамлакатларни болаларни коронавирусга қарши эмламасликка, биринчи навбатда вакцинани камбағал мамлакатлар билан бўлишишга чақирганди.
АҚШ бу чақириққа жавоб берди: душанба куни Байден Америка коронавирусга қарши 80 миллион доза вакцина ёки умумий захирасининг 13 фоизини бўлишишини айтди. Қолган захира барча катта ёшдаги америкаликларни эмлашга етади.
