АҚШда Байденни ўлдириш билан таҳдид қилган шахс қўлга олинди

Жон Бенжамин Торнтон президентдан ташқари, мамлакатдаги қатор расмий шахсларни ҳам бирёқли қилишини билдирган.

АҚШнинг Ню-Мексико штатида мамлакат президенти Жо Байденни ўлдириш билан таҳдид қилган эркак қўлга олинди, деб хабар берди KIDK.

Жон Бенжамин Торнтон президентдан ташқари, мамлакатдаги қатор расмий шахсларни ҳам бирёқли қилишини билдирган. Торнтон уларга ана шу мазмундаги мактублар жўнатган ҳамда Facebook саҳифасида ҳам постлар жойлаган.

ФҚБнинг билдиришича, мактублар Торнтоннинг телефонидан жўнатилган. Қайд этилишича, у 2020 йилда ҳам ана шундай иддаолар билан чиққан, аммо ўшанда Торнтонга нисбатан ҳеч қандай чора кўрилмаган.

"2020 йил 11 ноябрда таҳдидли хабарлар олган бир неча киши Торнтон устидан шикоят қилган", - дейилади хабарда.