Америка Қўшма Штатлари ҳукумати Ўзбекистон ҳукумати билан ҳамкорликда Қўйтош ва Қорасойда сейсмик станциялар ўрнатишни режалаштирмоқда. Бу ҳақда АҚШ элчихонаси хабар берди.
Жорий йил 2 июн куни Тошкентдаги элчихона ижарага олинган 14 000 АҚШ долларлик ускуналарни Ўзбекистон Республикаси Фавқулодда вазиятлар вазирлиги ҳузуридаги Сейсмопрогностик мониторинг Республика марказига етказиб берди.
Маълум қилинишича, жорий йилнинг охирида доимий станцияни ўрнатишга тайёргарлик жараёнида Сейсмопрогностик мониторинг Республика маркази Калифорния штатидаги Сан-Диего университети (UCSD) билан биргаликда Карасай ва Коиташ шаҳарларида иккита вақтинчалик сейсмик станциялар ёрдами билан жойида акустика ва инфратузилмани ўрганади.
Билдирилишича, АҚШ Давлат департаменти шу йил охирига қадар Қорасойда қурилиши режалаштирилган доимий станция учун ускуналар сотиб олади ва монтаж ишларини молиялаштиради.
UCSD ва Сейсмология қўшма тадқиқот институти (IRIS) томонидан биргаликда бошқариладиган 152та станциядан иборат Глобал сейсмик тармоқ (GSN) АҚШ Миллий илмий фонди (NSF), АҚШ Геология хизмати (USGS) томонидан молиялаштириладиган IRIS, бошқа федерал идоралар ва халқаро ҳамжамият ўртасидаги ҳамкорликдир. IRIS ва NSF томонидан қўллаб-қувватланадиган UCSD GSN станцияларининг учдан бир қисмини бошқаради. Ўзбекистондаги таклиф қилинадиган станция ҳам GSN’га киради.
