11 июнь куни Туркиянинг «Turkish Airlines» авиакомпанияси Истанбул – Урганч йўналишида биринчи парвозни амалга оширди.
Airbus A320 ҳаво кемасида 3,5 соат парвоз қилган йўловчилар «Урганч халқаро аэропорти»да тантанали кутиб олинди.
Режага кўра, ушбу йўналишда парвозлар ҳафтада бир маротаба – жума кунлари амалга оширилиши режалаштирилмоқда.
«Turkish Airlines» дунёнинг энг йирик авиакомпанияларидан бири бўлиб, 120дан ортиқ мамлакатга парвозларни амалга оширади.
