Бухоро вилояти Вобкент туманида 15 сотих ерни 35 миллион сўмга сотмоқчи бўлган шахс ушланган. Бу ҳақда вилоят ИИБ хабар бермоқда.
Маълум қилинишича, Вобкент тумани Қурувчи маҳалласида яшовчи, 1990 йилда туғилган Б.Б. фуқаролардан бирига туманнинг Чангарон маҳалласи ҳудудида жойлашган 15 сотих бўш ер майдонини 35 миллион сўмга сотишга келишган.
Сўнг кимёвий ишлов берилган 1000 АҚШ доллари ва 5 миллион сўм пулларни олаётган вақтда ашёвий далиллар билан жиноят устида ушланган.
Қайд этилишича, мазкур ҳолат юзасидан Жиноят кодексининг 168-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
