АҚШ Украинага 100 миллион долларлик ҳарбий ёрдамни тўхтатиб қўйди
Оқ уй Украинага 100 млн долларлик ҳарбий ёрдам тақдим қилиш режасидан қайтди. Бу ҳақда Politico нашри хабар берди.
Ушбу ёрдам Украина яқинида Россия қўшинлари жойлаштирилишига жавобан режалаштирилганди.
Нашрнинг ўз манбаларига таяниб маълум қилишича, Киевга тақдим қилиниши режалаштирилган ёрдам ҳаво ҳужумига қарши мудофаа тизимлари, ўқотар ва танкларга қарши қурол етказилишини ўз ичига олган.
Бироқ АҚШ миллий хавфсизлик кенгаши Украина ва Россия чегарасидаги кескинлик камайгандан сўнг ҳамда АҚШ президенти Жо Байденнинг россиялик ҳамкасби Владимир Путин билан учрашуви арафасида Украинага ёрдам тақдим қилинишини тўхтатиб қўйди.
Politico суҳбатдошларидан бирининг таъкидлашича, Вашингтон Украинага ҳарбий ёрдам кўрсатилишини ҳали буткул истисно қилмаяпти.
Мавзуга оид
19:13 / 20.10.2024
Россиянинг Қора денгиз флоти Украина дронлари туфайли манзилини ўзгартирди
18:45 / 20.10.2024
Маск АҚШ президентлик сайловига қадар кунига 1 млн долларлик лотереяни эълон қилди
14:21 / 20.10.2024
АҚШга қочган дипломат: океан ортидан сиёсий бошпана сўраган совет амалдори
22:30 / 19.10.2024