Хитойда коронавирусга қарши бир миллиард дозадан ортиқ вакцина қўлланди

Бутун дунёдаги коронавирусга қарши эмланганларнинг учдан бир қисми Хитойга тўғри келади.

Фото: China Daily via REUTERS

Хитойда бир миллиард дозадан ортиқ коронавирусга қарши вакцина қўлланди - бутун дунёдаги эмланиш ҳолатларининг учдан бир қисми ушбу мамлакатга тўғри келади. Бу ҳақда BBC хабар бермоқда.

Маълумот берилишича, Хитой ҳукумати июлгача аҳолининг 40 фоизини тўлиқ эмлашни режалаштирган.

Мамлакат соғлиқни сақлаш миллий комиссиясига кўра, 2021 йил охиригача аҳолининг 70 фоизини тўлиқ эмлаб бўлиш асосий мақсад ҳисобланади.

Ҳиндча штамм аниқланганидан сўнг Хитойда вакцинация суръати тезлашди. Хитойликларга Sinopharm ва Sinovac вакциналари таклиф қилинмоқда, ҳар икки вакцина икки дозадан иборат.

Тайёрлаган Дилшод Аскаров

#вакцина #Хитой

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.