Туркиянинг 26 вилоятида коронавируснинг "ҳиндча" штамми тарқалди

Туркиянинг 26 вилоятида коронавируснинг "дельта" ("ҳиндча") штамми тарқалди. Бу ҳақда мамлакат соғлиқни сақлаш вазири Фахреттин Кожа маълум қилди.

 "Ҳозирда 26 вилоятда "дельта" варианти тарқалган. Жами 244та ҳолат аниқланган бўлиб, уларнинг 134таси Истанбулга тўғри келади", - деди Кожа.

Унинг қўшимча қилишича, мамлакатда ҳозирча касалликнинг "дельта плюс" шакли аниқланмаган.

Охирги вақтда бутун дунёда коронавируснинг дастлаб Ҳиндистонда аниқланган "дельта" штамми шитоб билан тарқалмоқда.

Пандемия бошланганидан буён Туркияда коронавирус юқтириш билан боғлиқ 5,4 млн ҳолат қайд этилган, 49 мингдан ортиқ бемор вафот этган.