Жаҳон | 16:28 / 01.07.2021
9540
1 дақиқада ўқилади

Нидерландияда қирувчи самолёт бинога урилди

Белгия мудофаа вазирлигининг маълумот беришича, учувчи катапулта ёрдамида самолётни тарк этишга улгурган.

Белгия ҳарбий-ҳаво кучларига қарашли F-16 қирувчи самолёти Нидерландиядаги Леуварден авиабазасидан кўтарилиш чоғида бинога урилди. Бу ҳақда база қўмондонлиги хабар берди.

«Бугун эрталаб F-16 қаршисида жойлашган бинога урилди. Икки киши жароҳатланди. Ёнғин ёки портлаш юз бермади», — дейилади хабарда.

Белгия мудофаа вазирлигининг маълумот беришича, учувчи катапулта ёрдамида самолётни тарк этишга улгурган.

Leeuwarder Courant нашрининг ёзишича, учувчи ва авиабаза техник ходими жароҳатланган.

Дилшод Аскаров
Тайёрлаган Дилшод Аскаров
Kun.uz янгиликларини Google News'да кузатинг
+ Обуна бўлиш

Мавзуга оид