Сурхондарёда 50 сотих ерни 150 миллион сўмга сотмоқчи бўлган шахс ушланди
Термиз туманида 50 сотих ерни ўзига тегишли эканлигига ишонтириб, 150 млн сўмга сотмоқчи бўлган шахс ушланган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, Бош прокуратура ҳузуридаги Департаментнинг Термиз туман бўлими томонидан Миллий гвардия вилоят бошқармаси билан ҳамкорликда ўтказилган тезкор тадбирда фирибгарлик билан ер сотаётган Н.Қ. ушланган. Қайд этилишича, фуқаро Н.Қ. фирибгарлик йўли билан, фуқаро О.ни «Янгиобод» МФЙда жойлашган 50 сотих ер майдони ўзига тегишли эканлигига ишонтирган. Сўнг, танишлари орқали ҳужжатларни расмийлаштириб бериши эвазига 150 миллион сўмга сотишга келишиб, шундан 84 миллион сўмни олган вақтида ашёвий далиллар билан ушланган.
Таъкидланишича, мазкур ҳолат юзасидан Жиноят кодексининг 168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга оид
13:57 / 18.09.2024
Сурхондарёда содир бўлган ЙТҲда уч нафар синфдош йигит ҳалок бўлди
08:50 / 17.09.2024
Ўрмон хўжалиги ижарадаги ерини 61 минг долларга сотмоқчи бўлганлар ушланди
07:29 / 06.09.2024
Сурхондарёда 9400 туп дарахт нобуд бўлиши мумкин
12:31 / 31.08.2024