Фарғонада узум экспорти бошланди

Жорий йил шу кунга қадар Фарғонадан хорижга 232 минг долларлик узум экспорт қилинди, дея Kun.uz'га хабар бермоқда вилоят божхона бошқармаси ахборот бўлими. 

“Водий” ҳамда “Марғилон” ташқи иқтисодий фаолияти божхона постлари таркибида “Экспортга кўмаклашиш марказлари” томонидан жорий йилда қиймати 232 минг АҚШ долларилик 220 тонна узум Қирғизистон, Қозоғистон ва Россия каби давлатларга экспорт қилинган. 

Вилоятдаги 7 834 гектар узум боғларидан 1 498 гектари айнан Олтиариқ туманида жойлашган бўлиб, 2021 йилда вилоятда кутилаётган 153 880 тонна узум ҳосилининг 43 784 тоннасини ҳам Олтиариқ туманида етиштириш режалаштирилган. 

2020 йилда вилоятдан қиймати 30,5 миллион долларга тенг бўлган 28 минг 100 тонна узум экспорт қилинган.

Аввалроқ  Фарғонадан авиарейс билан Жанубий Кореяга бир кунда 46 тонна гилос экспорт қилингани ҳақида хабар берилган эди.